Nfurmativa sun la prutezion di dac

1. Chi ie respunsabl

Tituler dl tratamënt di dac: Simon Perathoner, Talia. Cuntat: info@perathonersimon.com. Adress postel: cëla nosta nfurmazions legheles.

2. Ce che l juech salvea sun ti dispositif

Per te lascé jì inant da ulache tu foves ruà, salvea Animanova chësc tla memoria locala dl'app sun ti dispositif:

• l inuem y l culëur che tu as sernì per ti profil;
• ti mpustazions (son, stil grafich, lingaz, vibrazions, cumanc, azesibilità y opziuns dl'energia);
• ti prugres: valuta (“Zeles”), cuntenuc desblochei, mioramënc, maestria, miscions, premies, recorc dla modalitëies, linies germineles y Nrescida de Simbiosa, y l stat de tia Biosfera;
• la storia de ti ultimi partides (ponc, livei ragiunc, dureda dla partida y data y ora de uni partida).

Chësta nfurmazions ne lascia mai ti dispositif tres l juech. Les ne vën nia mandedes a nëus o a de autri, y les ne vën nia aduredes per publicità o profilazion.

Ntan che l ie daviert, liej l juech ënce l stat termich de ti dispositif, l livel y l stat de ciaria dla bateria, la modalità a consum reducì, la verjion dl sistem operatif y l model dl dispositif. L les drova mé per adatà la frecueinza di fotograms y i efec visuei per che ti dispositif reste frëit. Chësc valori vën tignus tla memoria de laour y ne vën nia salvei o trasmetus.

No mëter ite nfurmazions personeies sensibles coche inuem; l ie mé n inuem da mustré.

3. Ce che l juech ne fej nia

Animanova ne à degun azes a tia pusizion, cuntac, fotografies, fotocamera, microfon, dac dla sanità, identificadëur publiciter o a d'autra aplicazions. L ne drova deguni cookies o tecnologies de traciament. L ne à deguna chat, degun cuntenut crià dai utënc y spartì cun autri y deguni colegamënc ai social networks. La verjion Android declareia l'autorisazion “internet” ajache la strutura dl'app la damanda, ma l juech ne drova mai la rei.

4. Stores de aplicazions y plataformes

Tu giapes Animanova da na plataform (Apple App Store, Google Play, Steam, itch.io o nost sit web). La plataform gestësc tia compra, l desćiarié, i agiurnamënc y, sce tu i as ativà sun ti dispositif, les segnalazions di crashes y les statistiques dl utilisazion, aldò de si nfurmativa sun la prutezion di dac. N giapon mé statistiques adumedes y anonimes che la plataform dezid de mustré ai svilupadëures; ne giapon mai ti inuem, dac de paiamënt o nfurmazions de cuntat da na plataform.

Canche tu vijites chësc sit web o jueghes ala verjion tl browser, nost furnidëur de hosting web, che pieta les plates, elaborea registrazions standard dl server (adress IP, sort de browser, ora dl azes) per les furnì y stravardé l servisc. Chëstes registrazions vën tignudes aldò dl tëmp de cunservazion standard dl furnidëur y ne vën nia aduredes da nëus per identificà i jucadëures.

5. Canche tu nes cuntates

Sce tu scrijes na e-mail a info@perathonersimon.com (per avëi aiut, tò pert a na prova dl juech, damandé novitëies sun la publicazion o mandé n raport diagnostich da na verjion de prova tlujuda), giapon dut chël che tu mandes: ti adress e-mail, ti inuem sce tu l njuntes y l cuntenut y i files njuntei a ti messaje. N l duron mé per te respònder y resòlver l problem che tu segnales (articul 6(1)(b) y 6(1)(f) GDPR). N tignon la curispundenza per dut l tëmp che la dumanda ie davierta y per n tëmp rejoneul do, pona la scancelon; tu posses nes damandé de la scancelé dan. Nost furnidëur de e-mail elaborea i messajes per nost cont.

6. Diagnostica dla proves tlujudes (mé verjions de prova)

Verjions speziales dates diretamënter a persones nviedes a pruvé l juech cunten na sezione opziunela de diagnostica per i testers. La ie desativada da scumenciamënt, ne registrea nia nchin che l tester la ativea y salvea l raport mé sun si dispositif. L raport cunten la verjion dl'app, la plataform, la verjion dl sistem operatif, l model dl dispositif, la grandëza dl schermo, la secuenza de schermedes y menus, l tëmp danter input y fotogram, mesures dla frecueinza di fotograms y di blochei, l stat termich y dla bateria, i tëmps dla sescion, l resultà dla partida y cuntadëures anonims di fali. L ne cunten nia l inuem, l prugres salvà, les pusizions prezijes di tocs, i tasć smacai, la pusizion geografica, l account, l identificadëur publiciter, la stringa user-agent dl browser o identificadëures persistënc dl dispositif. N l giapon mé sce l tester l espòrta y nes l manda; n l duron mé per nrescir cumpatibilità, stabilità, ciudëza y prestazions, n l tignon mé per la prova y pona l scancelon, o sun dumanda. Les verjions publiches ti stores ne cunten nia chësta sezione.

7. Cunservazion y scancelazion

I dac dl juech resta sun ti dispositif nchin che tu i scanceles. Tu posses scancelé dut chël che l juech salvea cun Mpustazions → Scansclea i dac tl juech, cun scancelé la memoria dl'app tl sistem operatif o cun desinstalé l'app (sun Android possa l backup dl sistem tignì na copia sot ti account Google nchin che tu ne desatives o scanceles chël backup). Ajache l juech ne à degun account y degun server, ne n iel nia da scancelé da nosta pert, a manco che tu ne nes ëies scrit na e-mail; te chël cajo scrij al adress chilò dessëura.

8. Ti dërc (UE/SEE y Rëni Unì)

Tu as l dërt de azes, retifica, scancelazion, limitazion o upusizion al tratamënt di dac personei che n on sura té, l dërt ala purtabilità di dac y l dërt de porté dant n reclam a n'autorità de cuntrol — te Talia, l Garante per la protezione dei dati personali (www.garanteprivacy.it). Tla pratica ie i sëui dac personei che n pudon avëi nosta curispundenza per e-mail cun té. Scrij a info@perathonersimon.com per eserzité n dërt.

9. Mutons

Animanova ne racoi deguni dac personei da degun, nclus i mutons, y ne à deguna funzion che damande na verifica dl'età. Genitores o persones respunsables cun dumandes possa nes cuntaté al adress chilò dessëura.

10. Segurëza

Ti juech salvà ie stravardà dala segurëza de ti dispositif. Nosta caseta de posta ie stravardeda dai cuntròi de segurëza de nost furnidëur de e-mail. No mandé passwords, dac de paiamënt o autri dac sensibles per e-mail; ne te i damanderon mai.

11. Mudamënc

Sce na verjion futura de Animanova njunta na funzion che elaborea dac personei (per ejëmpl classificazions online), agiurneron chësta nfurmativa y les declarazions sun la prutezion di dac ti stores dan che chëla verjion vën publicheda. La verjion y la data de validità chilò dessëura identifichëia la nfurmativa atuela.

12. Cuntat

Simon Perathoner — info@perathonersimon.com